ӘКІМШІЛІК ЮСТИЦИЯ: САЛЫСТЫРМАЛЫ ҚҰҚЫҚТЫҚ ЗЕРТТЕУ

Abstract

Қазақстан Республикасында әкімшілік заңнаманы жетілдіру қазіргі таңның басты мәселелерінің бірі болып табылады. Соңғы онжылдықтар ішінде дәл әкімшілік-құқықтық қатынастар мен құқықтық база түбегейлі өзгеріске ұшырады. Соның бірі - Әкімшілік іс жүргізу кодексінің жобасының қабылдануы. Алайда салалық теорияның дамымауы теориялық «хаосқа» алып келеді. Тәуелсіз құқық саласы - әкімшілік процесс қалыптастыру туралы мәселе туындайды. Осыған байланысты «әкімшілік сот ісін жүргізу» және «әкімшілік сот төрелігі» ұғымдары бір-бірімен бәсекелесе бастады. Кейбір ғалымдар олардың арасында тең белгі қояды, ал басқалары «әкімшілік сот төрелігі» ұғымы ескірді деп санайды және бұл әкімшілік процесстің дамуы үшін маңызды болып табылады.